الخميس، أغسطس 23، 2007

وللجبال قمم



كان فيه شوية نكت سنتيحة كدة بس لها معزة عندي انا خاصة عن القمم.. قمة الفرحة وقمة الذهول والكلام ده.

اكتر ما كانت بتضحكني ان قمة الذهول انك تلاقي ركن جوا اوضة مستديرة وقمة الفرحة انك تلاقي الركن ده.. الافيه ده كان بيعجبني اوى كان فيه ذكاء رغم سخافته.

المهم نبعد عن الافيهات ونتكلم جد شوية بقى كما في علم النفس فلنسرد ما بخواطرنا.. فبعد شكوى اكثر من زائر حول ان البلوج بقى مليان سينما وفن كتير والناس قرفت يعني.. قررت ارفه عنهم شوية.. ولو انها اول مرة ارفه عن مادة ترفيهيهه بمادة جادة بس يلا ماعلينا.

قمة الأمل: لما اسمع صوت ضحكة طفل عالية مسخسخ فيها م الضحك جدا

قمة التعاسة: مسن في اواخر عمره مكتئب بحجرته وحيد ، مذنب يأس من نفسه ومن تكراره للذنب

قمة الفرحة: لحظة أمل في وسط كتلة يأس مسدودة في وشي

قمة العذاب: الفراق

قمة الحب: لما تفضل الحبيب عن نفسك

قمة الذهول: انسان قادر على التعذيب

قمة الراحة: لما احس برضا ربنا عليا

قمة الارتباك: لما اتكسف "خاصة من شخص معين جدا"

كفاية الشوية دول المرة دي.. انا حبه اسمع القمم كذلك منكم.. اعتقد كل واحد بتختلف عنده تفاسير المشاعر عن غيره من البشر

يلا.. دعوة للسفسطة مجانا

هناك 4 تعليقات:

محمد العدوي يقول...

�� ������� .. �� ��� ���� �������

�� ���� �� ����� ������ �� ���� ���� ��� ���� .

�� ������� ��� : �� ���� ����� ��� ��� ������ .

��� ����� ( �������� ��� ) �� ����� .

..................

�� ������� ��� ������ . ( ����� ���

��� ���� ( ���� �� �� ���� ..

محمد العدوي يقول...

قمة التفاؤل .. لما تسمع خطاب الحكومة

قمة الغيظ لما تلاقي الكلام دا بتاع السنة اللي فاتت .

قمة البلادة بقى : انك تبقى الوزير اللي قرأ الخطاب .

وقمة الهبل ( لامؤاخذة يعني ) أنك تصدقه .

..................

قمة السعادة عدم الحاجة . ( الرضا يعني

وقمة الحب ( ملهوش قمة على فكرة ..

عمرو الهوارى يقول...

قمة التعاسة .. !!

مادو يقول...

تحياتي
باستثناء الافيه طبعا