الجمعة، فبراير 06، 2009

10 إيجابيات في فيلم مقلب حرامية




بعد ساعة ونصف هي مدة مشاهدة الفيلم ستدرك قيمة الوقت في حياتك، وربما تقرر انك لن تهدر دقيقة زائدة من عمرك في الـ (أي كلام).

مقلب، عنوان الفيلم كان في قمة الدقة والروعة والاصاله والفخامة وكل المدح الممكن لصاحب الاختيار العبقري المبجل (مقلب) الفيلم مقلب، حيث يصح ان تقصد به انه مقلب اي خازوق لكل المشاهدين اللي دافيعن فلوس، او مقلب بمعنى انه مقلب زبالة او صفيحة زبالة.

الافيش العبقري، فالقفا الذي يظهر في الأفيش لكل الستاف كان اجمل ما يمكن تصويره والتقاطه والتعبير عنه في الفيلم، عمرك شفت بطل فيلم في حياتك يبقى بمنظر اي ممثل في الافيش ده؟

تشغيل الدماغ، طوال عرض الفيلم مخك لن يتوقف للحظة، فستفكر في كل ما تركته ولم تفعله خلال هذا الوقت بمعنى ادق ستقوم من الفيلم بقائمة Things to do، كما انك ستفكر كثيرا خلال الفيلم في كل الافلام الاجنبية اللي شفتها واللي مشوفتهاش واللي المفروض تشوفها اللي اقتبسوا منها المشاهد الفكسانه اللي قدامك

تعرف ان وزارة المالية هي وزارة بتبيع لعب اطفال غالبا، اعتقد ان لو وزارة بتبع بطاطس هتحط حرس وامن اكتر من مجرد 4 عساكر 3 بيحبوا اكل الجاتوه وواحد مبياكلش غير هوت دوج، وده مش افيه من عندي.. ده من الفيلم!!!

تحمد الله على ان هناك هاكرز مصريين بيدخلوا السينما بكاميرا فيديو عشان لولاهم مكنتش قدرت اشوف الفيلم مضروب ع النت ومدفعش فيه مليم احمر، ومع ذلك قلبي واكلني ع الوقت اللي راح .. امال لو كنت دفعت كمان؟؟
-----------------

ولله حاولت اكملهم لحد 10 عشان الاقي اي نيلة ايجابية في الفيلم بس للأسف.. الموضوع كان أكبر مني ومنكم
عليه العوض ومنه العوض
شكرا ع الشلل

هناك 4 تعليقات:

مـهـنـد يقول...

والله اللي أنا أعرفه يا مي إن اللي بيتلسع من النار ميحطش إيده في الفرن.

الغريب إن مخرج الفيلم هو سميح النقاش ابن المرحوم رجاء النقاش أحد حملة شعلة الثقافة في مصر.. صحيح يخلق من ضهر العالم فاسد.

ياللا يا مي ربنا يجعلها آخر الأحزان، والحمد لله إنها مجتش في حد من العيال.

Mai Kamel يقول...

D:
انا برضه بقول كدة يا مهند
احسن العيال اليومين دول احوالهم في المدرسة مش عاجباني خالص


منورني :)

a7mad 3bd elSeed يقول...

اقولها و بلا فخر انى احد الاغبياء اللى دفعوا فلوس ع الهرطشه اللى سموها تجاوزا فيلم , و الله انا حاولت امشى ف الاستراحه بس قوانين السينما المتخلفه تمنع ذلك .

( انا كنت معدى بالصدفه وشفت البوست بتاعك , فحبيت اعلق عشان انا عشت التجربه المريره دى , والواحد ما بيتعلمش ببلاش )

( عذرا دوشتك )

غير معرف يقول...

كملى يا مى واوعى تعملى استوب اكتبى عن كل حاجة ممكن يتكتب عنها ويارب يسببلك الاسباب اللى تخليكى انجح واحسن وأنزه رئيس تحرير لاحين واجمد واشجع وانزه جريدة فى العالم ومش شرط تكون مستقلة المهم انها تكون جامدة وبتالنسبة للفلم الحمد لله ان الابطال والمؤلف والمخرج مافيهومش والا واحد من اللى بحب ادخلهم افلام وفداكى الوقت اللى انتى ضيعتيه لان انتى اكيد استفادتى منه لان الكتاب الشطار بيطلعوا بحاجات من اللى بين السطور واخيرا احلام جميلة مش تفوقى منها خالص