الجمعة، يناير 15، 2010

Life is Perfect


قليل الحالات اللي بحس فيها اني لو متكلمتش هطق او هنتحر
ورغم ان الميول الانتحارية عالية جدا عندي الفترة دي، بس للاسف مش لاقيه فرصة مناسبة حاليا.

اتكلم، صوّت، ان شالله حتى تولع في روحك، مبقاش حد بيسمعك، محدش هيقولك وطي صوتك ولا بتعمل ايه، احنا عايشين في عالم اطرش
كله بيتكلم بس ومحدش عنده وقت يسمع، واللي عنده وقت معندوش طقطان للسمع
الوقت بيجري والناس بتجري ولو مفيكش حيل تجري معاهم ياكشي تولع

قليل الحالات اللي بحس فيها اني على هامش الحياة
ورغم ان فيه حد ممكن افضفضله بس حسه اني مش قادرة اشيله هم فوق همه.

احلم واكبر واشتغل وعيش حياتك، مانت لو محلمتش محدش هيحلملك.. واوعى تتصور انك لما تقعد حاطط ايدك على خدك حد هييجي ياخد بايدك ههههههههههههه ده بس في الأفلام العربي، انما الحقيقة لو مقومتش نفسك هيردموا التراب عليك والله يرحمك كمان.

قليل الحالات اللي حسيت فيها بيأس فظيع وتضاؤل غير متناهي ..
الا انه كثيرا خلال الفترة الحالية ما تتملكني رغبة تدميرية وانتقامية فظيعة، تدمير مين وانتقام من مين مش عارفة، وللحقيقة.. مش فارقة.. انا جوايا حقد وغل خام.

هناك 3 تعليقات:

Hassan يقول...

......
غير إني في نفس الحالة تقريباً وغير إني موافقك تماما في كل حرف
...... مش عاجبني زعلك وقلقان عليكي.. ياريت أكون من الناس اللي ممكن تقولك: هم مين ياعبيطة اللي حاتشيلهولي أمال إحنا إصحاب إزاي؟؟!!ـ

moon shine يقول...

كل ماتحسى بالضيق والحزن تفربى من الله اكتر وادعيه تأكدى ان ربنا هايفرج همك
انا كل ما بضايق بقرا قران وادعى ربنا وسبحان الله ربنا بينزل عليه الراحة وكل المشاكل تتحل
وقولى دعاء الهم والحزن

دعاء الهم والحزن

اللهم انى عبدك ابن عبدك ابن امتك ناصيتى بيدك ماض فى حكمك عدل فى قضائك اسالك بكل اسم هو لك سميت به نفسك او انزلته فى كتابك او علمته احد من خلقك او استاثرت فى علم الغيب عندك ان تجعل القران الكريم ربيع قلبى ونور صدرى وجلاء حزنى وذهاب همى وغمى

Mohammed يقول...

لولا الأمل مات الفقير