بحس بالوحدة في ايام غريبة قوي.. وبكره الوحده جدا
متفهمش ليه فى اكتر ايام بتكلم فيها الناس وتهرج مع اغلبهم ويحسو انك فراشة طايرة من السعادة في اليوم ده تحديدا بتروح وانت مليان كآبه غريبة
كأنه مينفعش يفلح ظنهم فيك وتكتشف انك مش مبسوط زي ماهما تصوروا
حتى الاشخاص اللى متعود تستنجد بحضنهم في اليوم ده تحديدا مبتلاقيهمش.. وتصعب عليك نفسك اكتر
تبدأ تفكر.. هو انا اصلا كنت مكتئب وكنت بداري بالتهريج؟؟ ولا انا كنت كويس وعادي وكتر التهريج خلاني افكر في حالي؟؟
بعد كوم تفكير.. تتعب اوى.. وترمي جسمك ع السرير تقول هكمل تفكير عليه.. بس النوم يغالبك وترتاح من مخك ده
تصبحوا على خير
جميل أوى العنوان ده
ردحذفأجمل من تصبح على خير كمان .. عشان الخير نسبى وممكن متحسش بيه لكن حضن دافى
الله
يسمع من بقك ربنا
وانتى كمان
اتفق مع الكومنت اللى قبلى
ردحذففعلا عنوان جميل ملئ بالحنية
احيانا كتير بحس اللى انتى حستيه
بس انا بقى النوك مش بيغلبنى
تحياتى لك
دا هو بس الانتقال بيكون واسع بين مستويان فيوقظ الاحساس بالغربة والوحشة ..
ردحذفوتصبحين على حضن دافئ
ولله وجهة نظر تحترم يا محمد..
ردحذفاول مرة اسمعها بس اقتنعت بيها بشكل ما
وانتو كلكو من اهله :D
تبات نار تصبح رماد
ردحذفمدونتك رقيقه
كتيير أوي ييجي الاحساس ده .. مرة سمعت ان أحسن بلياتشو هو أكئبهم وحيدا.. بس دايما اقول لنفسي مادام عارف تنام يبقي مفيش مشاكل
ردحذفممم.. مدام عارف تنام يبقى مفيش مشاكل
ردحذف:)))))))
مي تحفففففففففففة العنوان
ردحذفوبحييكي علي كتابتك
ميرسي يا اميرة الله يخليكي
ردحذفاول مرة تنوري البلوج
يامرحب يامرحب :)