الخميس، أبريل 19، 2007

حقد خام

هناك ما أود ارتكابه بين حين وآخر.. كأن احيا كأي معتوهة أخرى.
كأن أكون مع نفسي بكل حماقاتي الصغيرة.

فتيات الليل يخلقن هنا .. في وضح النهار
بورك التملك الذي يحول الاشخاص الى اشياء تقبل التسعير ويعطيها تاريخ صلاحية وانتهاء
هل البقاء للاكثر فسادا ام ان الفساد للاكثر بقاء؟
مهندس الكمبيوتر هو فواعلي في مناجم الديجيتال.. عبد الكتروني في مستعمرة بيل جيتس
في الغرب يقولون لكي تنجح عليك الذهاب بعيدا.. وهنا "وانت تروح بعيد ليه؟!"

في مصر كان هناك جيل النكسة نحن الجيل الذي يليه جيل معنديش حاجة اخسرها.
ما هو أسوء ألا يكون لديك ماهو أسوء
في ثلث بلدان العالم الثالث تقريبا عليك ان تحمل باسبور امريكاني لتعامل كمواطن محترم.
اذا لم تفعل شيئا لنفسك فإن احدهم سيفعل شيئا لك
ستأتيك ضربة الخنجر ممن تحب بينما تبقى انت مكتوف الارادة
حسن من صورتك الذهنية وستظهر نقائص الاخرين اوتوماتيك
السعادة هي الاوبشن.. قل لي ماهي اوبشناتك اقل لك من انت
---------------------------------------------
قال ... لعباس "انا مشفتش في حياتي حد جواه كمية الحقد الخام قدك.. دانت يابني لو بلعت ريقك هيجيلك تسمم"

يابني اللي انا مشيته بضهري انت ممشيتهوش قدام ، روح في داهية الله يسهلك
اللي بيفهم يسخطك اشارة مرور في اول تقاطع.. او يعملك قومع في اختبار سواقة لواحد اعمى
ولع ياعم وكح دخان
حط مناخيرك في جيبك ومتسيبش حد يتنطط عليك
اللي يبرق لك.. انفخ التراب في عنيه
الكابتن بيقول انك غلطة حبوب
اللي يبربشلك انتف رموشه
اللي يرفع عليك الكوريك العب بالفتيس في قفاه


تلك هي الحقيقة بكل قسوتها. فافعل مايحلو لك

-----------------------------------------------
كافة المفردات والجمل بدءا بالعنوان من رواية "أن تكون عباس العبد" لـ "أحمد العايدي" وحتى ماقبل هذا السطر.
مكانش ينفع اقرا الرواية بدون ما اقتبس منها.. بجد مكانش ينفع

هناك 10 تعليقات:

محمد قرنه يقول...

لسه مقريتهاش

أعتقد إنها ممتعة .. رغم إن الفكرة مسروقة تقريبا

بس مبأحبش أقرا رواية كلها بالعامية

أو حتى لو استمتعت بيها
بأخاف على ذوق الناس وعلى الفصحى منها

mai يقول...

مع احمد العايدي مش هتخاف غير على نفسك بداية

الفكرة مسروقة ومحروقة معاك جدا

مش كلها عامية يا محمد.. دوس يابني وميهمكش.. هتعجبك باذن الله

:)
شكرا لانك هنا

freedom يقول...

احيانا .. أمر
وأحيانا .. أقرأ
ودائما .. أحتار

sandrill يقول...

لو مكنتيش قريتي رواية نادي القتال لتشاك بولانيك أنصحك تقريها ,, بعد كده قوليلي إيه رأيك في عباس العبد

mai يقول...

ولله يابني بداية انا مقولتش اي راي ليا في عباس العبد
البوست كله عبارة عن جمل منقوشة من رواية ولا حتى بتوضح قصة الرواية ولا اي حاجة لاني مش قاصدة اطلاقا اني اتكلم عن الرواية اللى كل الناس اتكلمت عنها او حتى انقدها او اقول رايي

نادي القتال او fight club
اللى هو رواية وفيلم بطولة براد بيت.. تقصد الفيلم ده؟؟ اللى هو كان فيه البطل عنده فصام ومؤلفه احمد العايدي بيهديله الكتاب؟؟ اللى هو الفيلم اللى اتعرض على كل القنوات المحلي منك يا بلد والفضائي وكل الناس برضه اتكلمت عنه اكتر من الرواية؟؟
اللى هو نهايته البطل بيقتل نفسه بالرصاص ومبيموتش وبيقولو عليه قوي اوي؟؟
هو ده اللى انت تقصده؟



لا سوري مشوفتوش
:D
منورني يا فندم

mai يقول...

متحترش يا محسن.. مفيش حاجة تستاهل يابني

sandrill يقول...

ما أنا عارف إنك أكيد شوفتي الفيلم ,, أنا كنت بتكلم عن الرواية و هي بالمناسبة مختلفة كتير عن الفيلم ,, هي صادرة عن ميريت برضه و ترجمة أحمد خالد توفيق

mai يقول...

طيب يا ريس خلاص
حاضر هدور ع الرواية واحاول اجيبها
:)
منورني مرة تانية
:D

Amr Fahmy يقول...

اختيارات موفقة أوي

إبـراهيم ... معـايــا يقول...

منذ 3 أعوام يا مي ... بالضبط !! ( وعجبي) .. كنت قد كتبت عنهـذه الرواية المختلفة ..فعلاً ... في إسلام أون لاين ...
.
.
http://www.islamonline.net/arabic/arts/2004/04/article16.shtml

تجديه هنا ...

تحياااااااتي ، وحمد لله على سـلااامتـــك