الأربعاء، يونيو 09، 2010

تعرف الضحى؟



صلاة الضحى..
كتير يعرفوها وكتير برضه قابلتهم ميعرفوهاش، بس عموما صلاة الضحى مش هي صلاة الصبح خالص.. صلاة الضحى صلاة بتتصلي من الشروق وحتى اذان الظهر، بس مش معنى كدة لما يفوتك الفجر وتصليه بعد الشروق يبقى انت بتصلي الضحى؟ لا انت بتصلي الفجر أو الصبح قضاء لانك فوت الفرض (بديهي)!

صلاة الضحى بقى
سنة مؤكدة.
وقال عنها الرسول عليه الصلاة والسلام
"يصبح علي كل سلامي من أحدكم صدقة. وكل تسبيحة وتهليلة صدقة. وتكبيرة
صدقة. وتحميدة صدقة. وأمر بمعروف صدقة. ونهي عن منكر صدقة. ويجزيء
أحدكم من ذلك كله ركعتان يركعهما من الضحي".

وقال زيد بن أرقم: خرج رسول الله - صلي الله عليه وسلم - علي أهل قُباء وهم
يصلون الضحي فقال: "صلاة الأوابين إذا رمضت الفصال من الضحي". أخرجه أحمد ومسلم.

أقل صلاة الضحي ركعتان. ولا حد لأكثرها وحددها الشافعية بثماني ركعات،
وحددها آخرون باثنتي عشرة ركعة.
فعن أم هانيء أن النبي - صلي الله عليه وسلم - صلي سجدة الضحي ثماني ركعات،
يسلم من كل ركعتين.

أنا عارفة ان كل ده ممكن يكون ناس كتير عارفينه، بس صلاة الضحى فرقت معايا بشكل شخصي جدا.. لإني مكنتش اعرف الفضل بتاعها ده كله، وصليتها في وقت أزمة وضيق وحالة نفسية تحت جدا وظروف سخيفة، ودعيت فيها دعاء مش محفوظ ولا حاجة، مجرد اللي حسه بيه.
وعلشان اليوم معداش عادي، والظروف كلها اتغيرت تماما للأحسن بفضل الله، قررت اني اواظب على صلاة الضحى طالما ليها أثر مادي وملموس في حياتي كدة

ربنا يديمها عليا نعمة، ويرزق فضلها للمؤمنين والمسلمين يارب.

هناك 4 تعليقات:

أحمد شريف يقول...

هذا من فضل الله عليكِ

أتمنى لكِ التوفيق

وبمَ أننا في أيام فمترجة اقول لكِ : كل سنة وأنتِ وكل المسلمين بخير إن شاء الله

Ahmed Elkas يقول...

اولا كل سنة وانتى طيبة يا مى
ثانيا
انا حبيت اعلق لانى كنت واحد من الناس اللى ميعرفوش المعلومة دى

moon shine يقول...

انا فعلا ما كنتش اعرف فضل صلاة الضحى
ربنا يجزيكى كل خير
شكرا على الموضوع وعلى المدونة الجميلة

اخطاء يقول...

لابد .. من التجربه .