حان الوقت

ساعات الحياة مبتديكش فرصة تتأمل، فجأة تلاقي رياح التغيير هبت عليك وفجأة الحياة اتغيرت، وفجأة انت كمان اتغيرت

كل ده وانت ملكش اي يد في اللي حصل..
ايه اللي حصل؟؟ ولا حاجة اتغيرت.. ماشي، طيب اتغيرت للاحسن ولا للاوحش، متفرقش كتير يعني هو انت قادر ترجع زي زمان اصلا؟؟ اقبل بالوضع الحالي وتأقلم يا فندم
قليل جدا بقى لما بتقرر بنفسك انك تتغير والاكثر ندرة انك تحقق اللى قررته ده، اغلب الاوقات بتبقى قرارات عنتريه، في لحظة قلت انا هتغير، وبخ على كدة

عامة.. خلينا نجرب وادينا مش هنخسر حاجة.. ومين عارف، يمكن ميطلعش قرار عنتري



فلنتقابل بعد حين :)))

ع الهامش:
تحياتي لصاحب شعار حملة أوباما Change We Need
ومن منبري هذا أقوله، أبدعت يا معلم