بحس بالوحدة في ايام غريبة قوي.. وبكره الوحده جدا
متفهمش ليه فى اكتر ايام بتكلم فيها الناس وتهرج مع اغلبهم ويحسو انك فراشة طايرة من السعادة في اليوم ده تحديدا بتروح وانت مليان كآبه غريبة
كأنه مينفعش يفلح ظنهم فيك وتكتشف انك مش مبسوط زي ماهما تصوروا
حتى الاشخاص اللى متعود تستنجد بحضنهم في اليوم ده تحديدا مبتلاقيهمش.. وتصعب عليك نفسك اكتر
تبدأ تفكر.. هو انا اصلا كنت مكتئب وكنت بداري بالتهريج؟؟ ولا انا كنت كويس وعادي وكتر التهريج خلاني افكر في حالي؟؟
بعد كوم تفكير.. تتعب اوى.. وترمي جسمك ع السرير تقول هكمل تفكير عليه.. بس النوم يغالبك وترتاح من مخك ده
تصبحوا على خير
هناك 9 تعليقات:
جميل أوى العنوان ده
أجمل من تصبح على خير كمان .. عشان الخير نسبى وممكن متحسش بيه لكن حضن دافى
الله
يسمع من بقك ربنا
وانتى كمان
اتفق مع الكومنت اللى قبلى
فعلا عنوان جميل ملئ بالحنية
احيانا كتير بحس اللى انتى حستيه
بس انا بقى النوك مش بيغلبنى
تحياتى لك
دا هو بس الانتقال بيكون واسع بين مستويان فيوقظ الاحساس بالغربة والوحشة ..
وتصبحين على حضن دافئ
ولله وجهة نظر تحترم يا محمد..
اول مرة اسمعها بس اقتنعت بيها بشكل ما
وانتو كلكو من اهله :D
تبات نار تصبح رماد
مدونتك رقيقه
كتيير أوي ييجي الاحساس ده .. مرة سمعت ان أحسن بلياتشو هو أكئبهم وحيدا.. بس دايما اقول لنفسي مادام عارف تنام يبقي مفيش مشاكل
ممم.. مدام عارف تنام يبقى مفيش مشاكل
:)))))))
مي تحفففففففففففة العنوان
وبحييكي علي كتابتك
ميرسي يا اميرة الله يخليكي
اول مرة تنوري البلوج
يامرحب يامرحب :)
إرسال تعليق